GAZETI LA MWAHABARI UKURASA WA 13: MAKALA YA SIASA ZA LEO NA ''UHITAJI WA RIKA'' By Nyakarungu

SIASA ZA LEO NA FALSAFA YA ‘UHITAJI WA ARIKA’

 

Ninapotazama mihemko ya ushabiki wa siasa kwa vijana kushabikia siasa au kuwashabikia wanasiasa kipindi hiki, nakumbuka falsafa ya ''UHITAJI WA RIKA'' niliyoibuni mwaka 2012 na kuiweka kwenye kurasa za KITABU CHANGU kiitwacho ''UTASHI NI MTU''......falsafa inasema..

“Kuna wakati rika fulani huibuka na mihemko inayofanana kwa muda wa wakati wao, rika hili hushabikia au huiga na kufanya kitu/jambo fulani linalofanana, lakini rika la wakati wao likipita kila kitu hupita kisha huja rika jipya na mihemko yao mipya juu ya kitu kipya.

Karibia 60% ya rika lao hushabikia kitu cha aina moja, lakini hufikia wakati rika hili nalo hupita na huja rika jipya lenye mihemko ya uhitaji wake mwingine.

Ukomo wa rika hutokea  pale tabia zenye kufanana miongoni mwa rika hilo huanza kuhama, wakati ambao kila mmoja hufuata njia yake kimawazo na kifikra, hakuna ukomo wa umri katika tabia za uhitaji wa rika” 

Naomba nijadili falsafa yangu kwa mifano hai, nitatumia mfano wa muziki wa kizazi kipya maarufu kwama bongo fleva ili niweke ufanano wa kiushabiki ulioibuka miaka ya 1990 na ikakoma kati ya mwaka 2005/2006.

Tukumbuke miaka ya 1998 -2006 enzi la Kuibuka kwa makundi ya Muziki wa kizazi kipya hapa Tanzania Makundi kama vile:-

KWANZA UNIT, SAREHE JABIR(Solo Artist na mwanzilishi wa rap ya Kiswahili kwa wenye kumbukumbu nzuri watakumbuka mashairi yaliyombwa ‘naruka kama ninja, natua kama ndege’), TWO PROUD (kwa sasa anajulikana kama Sugu aliyeufanya muziki huu kupiga hatua ya kuanza kuuzwa), WATEULE,WABABE CRAK, GORILA KILLERS, HBC(Nigga Jay,Terry Fanani na Bigie Willy) , kundi la DIPLOMAT (Saigoni na wenzake), BALOZI DOLA SOUL, JAMES DANDU (MTOTO WA DANDU) huyu ndiye mwasisi wa tuzo la Kill Music Award wakati huo zikiitwa Tanzania Music Award n.k,

Nimetaja makundi na wasanii wa muda mrefu kidogo waliokuwa na dhamira kubwa ya wazi ya kuona Muziki wa kizazi kipya Tanzania unakuwa imara na wenye tija,Wasanii hawa wengine ni marehemu hivi sasa na wengine bado wapo hai na wengine wapo kwenye muziki lakini wengine wamekaa kando baada ya kufeli kwa jitihada zao za kuupigania mfumo wa kimuziki.

Wasanii hawa hawakupigania mafanikio ya mifuko yao pekee bali walipigania mfumo wa kimuziki uwe imara na wenye tija kuanzia kwao mpaka urithiwe na kizazi kitakachofuata baadae.

Baadae kizazi kile cha muziki uliokuwa wa dhamira ya kutengenza mfumo wa muziki kilipita kikaibuka kizazi cha rika la wasanii wa upepo wanaoenda na matukio walioamini si muda wa kuimba matatizo ya jamii wala kupigania kutengeza au kubadilisha mfumo wa soko la muziki, bali ni muda wa kuburudika tu na watu wasahau shida zao kwa muda, walipigania nyimbo zao kupigwa redioni wakiamini ndio mafanikio na wakipata mialiko ya kutumbuiza na kulipwa pesa ni mafanikio makubwa kwao.

Wasanii hawa waliamini kuzalisha albamu na kuuza ni sehemu ya mafaniko, waliamini pia kujulikana sana kila kona ya nchi ni mafanikio tosha.

Hakuna aliyekumbuka kusimamia misingi iliyoasisiwa na waasisi wa sanaa hii iliyopendwa sana kwenye jamii, pengine waliamini hatua waliyoifikia ndiyo mafanikio na hakuna mafanikio zaidi ya hayo.

Walikabidhi akili zao mikononi mwa waliowaita mameneja, wasambazaji na watangazaji wa redio kadhaa, wakaagizwa kutunga nyimbo kwa namna wakubwa wao walivyotaka, wakaagizwa hata kiwango cha kulipwa na wakaagizwa kutoshirikiana na baadhi ya wasanii walikuwa kundi lisilo na mapatano na wakubwa zao.

Miaka  hii tunakumbuka kulikuwa na mihemko ya vijana wakiibuka na kufanya muziki wa kizazi kipya.

Kila mkoa, kila wilaya, kila kata, kijiji na pengine karibia kila kaya usingekosa mtu anaejiita msanii, anaesuka nywele bila kujali jinsia yake, anaevaa jeans kwa mtindo wa KK, anaetembea amekunja bega moja na hata waliovuta bangi sio kwa sababu ya asili yao bali kwa sababu ya mihemko ya kudhania kuwa kuwa msanii lazima uvute bangi kwa ufupi muziki huu ulipendwa kwa asilimia kubwa ya jamii.

Bongo fleva iliwatoa wengi kimaisha, kiumaarufu, hata kimaslahi mengine waliyoyajua wenyewe, mradi tu iliwatoa.

Wakati ule kila msanii aliyetoa single redioni tulitarajia na baadae tukashuhudia tamasha kubwa la uzinduzi wa album yake, kwa wengi kipindi kile walipoingiza sokoni album waliuza sana, kipindi hicho walisambaziwa na kampuni moja tu ya wahindi (GMC) iliyoko kariakoo inamilikiwa na MMAMU,

Waliuza sana tapes (kanda) na walitoka kwa kweli, na wengi wao mie nilishiriki harakati zao kimuziki ikiwa ni pamoja na kutengeza beats zao katika studio kadhaa hapo bongo miaka ya 2003 -2005 na wengine kutumia mashairi yangu niliyowapa kwa hiyo nawafahamu na ninaujua muziki wa bongo vilivyo.

Lakini kizazi cha rika lile kilipoondoka hatukuona tena kitu kinaitwa uzinduzi wa album pale Diamond jubilee wala club billcans, wala tour za mikoani za kutangaza album hazipo tena, mbaya zaidi hata tapes hazikuzalishwa tena ukiachilia kutonunuliwa kwake,

Utakumbuka wakati ule ferouz na kundi lake la Dangers of  Zone Nundaz (Daz Nundaz), Mr Nice, Jay Moe, Mr Blue, Dully Sykes n.k walivyokuwa wakifanya vizuri kwenye media na mitaani kwenye matamasha yao.

Walitamba na kuufanya muziki kwa style yao wakisahau mifumo ya soko imekaa kihamasa tu na sio ya kudumu, wakasahau siku moja zamu yao ya hamasa itapita bila kujali uwezo wao mzuri wa kimuziki, wakaacha upepo wa hamasa ya muziki iwaendeshe mpaka walipofika ukomo wao.

Leo hii wapo wanajitahidi kurudi lakini wananchi waliopo sio wale wa uhitaji wa rika lao, wanaimba ujumbe safi na mkao wa kimuziki lakini hakuna anaepokea muziki wao, ni kwa sababu wao waliruhusu muziki wa hamasa na kusahau hamsa yao itapita, kosa walilolifanya ni kushahu kusimama kwenye mabadiliko ya kimfumo wa muziki na soko lake, wakaruhusu watangazaji kuwa mabosi wao na matajiri kadhaa kuwashika na kuwaamulia watakalo wao, ndio ikawa mwisho wa vita ya kupinga mfumo wa hovyo waliyoianzisha waasisi wa muziki wa kizazi kipya. 

Hii ni dhahiri kuwa wafanyabiashara walisoma alama za nyakati kuwa rika lao la biashara halipo tena, hata Mr Nice aliwahi kukiri kuwa nyimbo za TAKEU hazina soko tena kwa sababu waliokuwa wakizipenda ni watoto wa enzi zile na sasa wameshakuwa watu wazima na haoni umuhimu wa kuimba tena nyimbo hizo kwani hazina soko.

Kilichobaki kwenye huu mziki ni wasanii tu lakini sio wale mashabiki wala wateja wa awali, hivi sasa wasanii kwa kujua kuwa hakuna wateja nao hawana mpango wa kuuza kazi zao bali wanauza show tu, ''nipe pesa nipande jukwaani niimbe, acha watu wakopi nyimbo zangu kwenye flash disc zao wasikilize popote ili wawe oriented na nyimbo zangu nipate show''.nukuu toka kwa msanii maarufu sana hapa Tanzania asiye na mpango wa kutoa album

Katika siasa za sasa za dunia yote wala sio Tanzania tu, mihemko hii ya uhitaji wa rika imetia fora.

Napenda kuwaomba vijana watambue kuwa kwenye hii mihemko ya uhitaji wa rika ni mizuri endapo tutaitumia vizuri, tukadumu nayo kwa ari tuliyonayo kwa mwelekeo wenye dira na ndoto sahihi kwa Taifa letu.

Waasisi wa Mataifa mengi ya Afrika walihakikisha wanatengeneza mifumo ya utawala bora, wengi wakifanikiwa na wengine walikwamwishwa kama walivyokwamishwa waasisi wa muziki wa kizazi kipya.

Mfano wa nchi ambazo mifumo ya kiutawala lifanikiwa kuwekwa na kusimamiwa ni pamoja Tanzania, Mwalimu Nyerere alihakikisha anatuwekea mifumo yenye miiko na inayoelekeza maadili.

Wengi wa waliokuwa kwenye baraza lake la mawaziri na mfumo wa uongozi wake wanajua namna ilivyokuwa hatari kwa mtumishi wa umma kutajwa kuhusika na rushwa au ufujaji wa mali za umma, hiyo haikuwa ukali wa mwalimu bali mfumo ulipata msimamizi imara asiyetia shaka.

Baada ya mwalimu kung’atuka ndipo mambo mengi yalianza kwenda kombo, kama ambavyo kizazi cha akina James Dandu kilipopita kikaja kizazi cha akina Feruz na Mr Nice na sanaa za hamasa wakasahau kuwa mafanikio yao ya kuuza sana santuri zao bila kuimarisha mfumo wa soko ni hasara kwa wasanii wa baadae.

Kadhalika alipokuja mrithi wa serikali ya Mwalimu nae alivaa uhusika wa hawa akina feruz, akajikuta akiyumba na kuzungukwa na wakubwa wenye tama za ubwanyenye wa kutumia nafasi zao katika kufuja mali za Umma bila kujali kizazi cha baadae kitaumia.

Hapa ndipo siasa za hamasa za nani mbwatukaji jukwaani, nani mtoa rushwa mzuri ili achaguliwe, nani mwenye maneno matamu jukwaani  n.k zilipoibuka ni kwa sababu ya kuacha mbio za kuimarisha mfumo wa maadili ya Utaifa wetu na kuanza kuendeshwa na hamasa na siasa za upepo.

Hapa tukashuhudia vita kati ya mwanasiasa mmoja na mwingine, vita baina ya kundi moja na jingine, mashabiki wa upande wa mwasiasa na mwingine bila kujali kesho ya kizazi kijacho kama walivyoingia mkenge akina Profesa Jay (Nigga Jay) kwa kuacha alichokuwa akipigania zamani na kuzama kwenye mbio za hamasa, kadhalika viongozi wetu wakaacha mbio za kuweka na kuajadili issues na wakaanza kutafuta maneno yanayoweza kuwavutia watu wapige makofi tu.

Wakati ule wa Bongo sanaa, niliwahi kushudia mashindano ya mfalme wa rymes, wakati Afande Sele the King (moja ya wasanii wanaotumia akili sana kuandika mashairi na kuufanya muziki wao kutokushaka thamani) wa MOROGORO aliibuka kidedea.

Wakati ule kila kijana alikua akishabikia msanii anaempenda, ilifikia hatua wasanii wakawa na ugomvi baina yao na kuwafanya mashabiki wawe na ugomvi wa kiushabiki kama wale wanaowashabikia.

Kadhalika kwenye siasa hivi sasa hakuna tofauti na wakati ule vijana wanaodhani siasa ni burudani kama ilivyokuwa sanaa.

Siasa ni mfumo wa kutengenza mbele ya Taifa, tutofautiane kifikra, kimtazamo na kiitikadi lakini tusitofautiane kwenye lengo kuu (kutengenza Taifa imara).

''Uwe na malengo yako, yenye utofauti na ya mwingine, lakini yote yalenge kutimiza lengo kuu – Nukuu yangu toka kwenye kitabu change cha “UTASHI NI MTU’’.

Wapo wasiojua tofauti ya vyama vya siasa na Taifa au Serikali, hawa wapo tayari hata kupinga Jakaya Kikwete kuitwa Rais, wapo pia wanaodhani tofauti ya itikadi ndio tofauti ya malengo makuu ya siasa za nchi (wanahitaji shule)